Kryetari i Komunës së Prishtinës, Shpend Ahmeti ka thënë se sot në Komitetin Ndërministror për Partneritet Publiko-Privat ka kaluar projekti i parkingut të madh nëntokësor te Fakulteti Filologjik me minimum 500 vendparkime.

Ahmeti për këtë ka falenderuar drejtorinë e Planifikimit dhe Zhvillimit të Qendrueshëm dhe drejtorin Genc Bashota si edhe Deloitten që sipas tij ka ndihmuar me fizibilitetin e këtij projekti.

Postimi i plotë:

Sot, në Komitetin Ndërministror për Partneritet Publiko Privat ka kaluar projekti i parkingut të madh nëntokësor te Fakulteti Filologjik me minimum 500 vendparkime.

Falenderoj drejtorinë e Planifikimit dhe Zhvillimit të Qendrueshem dhe drejtorin Genc Bashota si edhe Deloitte që na ka ndihmuar me fizibilitetin e këtij projekti madhor.

Në dy javet në vijim do të organizohet një takim informues me investitorët potencial dhe shumë shpejtë projekti del në tenderim. Super lajm për Prishtinën.